Tiu ĉi deponejo donas la eblon ŝpuri reviziojn de la gravaj dokumentoj de TEJO. Ĝi tamen ne estas la laŭjure oficiala fonto de dokumentoj de TEJO.
En la indekso vi povas vidi liston de ĉiuj versioj de ĉiuj gravaj dokumentoj de TEJO ekde la komenco de tiu ĉi projekto, la 16-an de marto 2019.
Indas rimarki, ke GitHub ne ĉiam montras la ĝustan markilon en ordigitaj listoj! Tio signifas, ke punkto a povas aperi kiel punkto 1, ktp. La ĝusta versio ĉiam videblas en la dosierujo de generita html.
Se vi volas proponi amendon al iu dokumento de TEJO, necesas ke Komitatano prezentu la proponon al la Komitato. Pro tio PRoj ne estas akceptitaj krom se temas pri jam dekomitate oficialigita amendo. PRoj al iloj kaj korektoj de malkongruoj inter dokumentoj en tiu ĉi deponejo kaj la aktuala versio laŭ la aprobo de la Komitato estos ĉiam bonvenaj. Pli detale pri kontribuoj vi povas legi en la paĝo pri kontribuado.
Tamen utilas krei fork-on de tiu ĉi deponejo por krei facile superrigardeblan ŝanĝproponon al la Komitato.
Ĉiuj dokumentoj haveblas libere laŭ CC0. Vidu la permesilon.
Ĉiuj programoj kaj iloj haveblas libere laŭ MIT. Vidu la permesilon.